Hvar er hægt að finna flóðatöflu á Netinu?

Nafn þitt

Netfang þitt

Netfang móttakanda

Ruslpóstvörn =

Svar

Hvar er hægt að finna flóðatöflu á Netinu?
Áratugum saman hefur mátt nálgast flóðatöflur í útgefnum almanökum, svo sem Sjómannaalmanakinu og Almanaki Háskólans. Þessar upplýsingar eru á pappírsformi og fyrir þær þarf að greiða. Einnig er hægt að fá Almanak Háskólans á Netinu, fyrir tiltekið árgjald.

Í haus Vísindavefsins (það er efst á síðunni) birtast upplýsingar um flóð og fjöru í Reykjavík og reyndar einnig um sólargang og hvenær tunglið rís og sest í Reykjavík. Þessi gögn fær Vísindavefurinn frá Almanaki Háskóla Íslands. Þeir sem skoða Vísindavefinn í snjallsímum geta ýtt á „Valmynd“ efst í hægra horninu til að kalla upplýsingarnar fram.

Í fljótu bragði finnst ekki íslensk síða á Internetinu með flóðatöflum fyrir marga staði á landinu án endurgjalds. Hins vegar er erlend síða, Admiralty EasyTide, þar sem hægt er að fá fría sjö daga sjávarfallaspá fyrir margar hafnir landsins. Ýmsir aðilar vísa á þessa síðu til þess að fá upplýsingar um sjávarföll, meðal annars er bent á hana á vef Landhelgisgæslunnar.

Einnig eru sjávarfallaspár fyrir margar hafnir landsins á vef Vegagerðarinnar. Þar er spáð fyrir um hæð sjávarfalla á heila tímanum og upplýsingar nokkra daga fram í tímann. Það er ekki tekið fram hvenær er háflóð eða háfjara, en þar sem sjávarhæðin er gefin upp fyrir hvern klukkutíma sólarhringsins má sjá hvenær er að falla að og hvenær að fjara út og þar af leiðandi hvenær skiptir þar á milli, svona um það bil.

Mynd:

• Tide á Wikipedia. Ljósmyndari: Samuel Wantman. Birt undir leyfunum: GNU Free Documentation og Creative Commons Attribution-Share Alike 3.0 Unported....