Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Í svari ykkar við spurningunni Eru tölvuleikir vanabindandi? þann 14.02. kemur fram að breyta þurfi aðstæðum "fíkilsins" kerfisbundið. Hvernig ber að skilja það? Á t.d. að hindra aðgang viðkomandi að tölvuleikjum? Eða hvað á að gera? Svar óskast.
Spurningin vísar í eftirfarandi orð í svari þeirra Gabrielu Zuilmu Sigurðardóttur og Sigurðar J. Grétarssonar:
Þeir sem eru næst spilaranum orða þetta kannski þannig að hann „sé orðinn háður leiknum" sem sé „vanabindandi," en kannski er nóg að skýra áráttu mannsins með þeim aðstæðum sem hér var lýst. Atferlisfræðingar telja mestu skipta að átta sig á að aðstæður mannsins halda við hegðuninni, og til þess að breyta henni verður að breyta aðstæðum hans kerfisbundið svo að athygli þessa blessaða manns beinist aftur að því sem máli skiptir í lífinu.
Vísindavefurinn getur að sjálfsögðu ekki tekið að sér beina uppeldisráðgjöf enda er slíkt yfirleitt einstaklingsbundið. En við teljum eðlilegast að lesa svarið þannig að átt sé við almennar breytingar á aðstæðum öðrum en þeim sem snúa að tölvuleikjunum sjálfum. Ef "fíknin" er komin úr böndum er líklegast að orsakarinnar sé að leita í öðrum aðstæðum svo sem þeim að önnur áhugamál skorti, félagsskapur sé ónógur eða að einstaklingurinn axli ekki nógu mikla ábyrgð á eigin lífi. Það er ekki líklegt að árangur náist með boðum og bönnum, heldur þurfi aðrar, helst "jákvæðar" breytingar á umhverfi og aðstæðum. Ef annað um þrýtur er hægt að leita aðstoðar hjá ýmiss konar meðferðaraðilum.
Sólin
Rís 10:17 • sest 16:10
Tunglið
Rís 21:40 • Sest 15:54
Flóð
Árdegis: 10:12 • Síðdegis: 22:46
Fjara
Árdegis: 03:46 • Síðdegis: 16:36
