Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Svarið er já; jörðin á eftir að eyðast endanlega þegar sólin þenst út og gleypir hana. Þetta gerist þó ekki í bráð heldur er talið að það verði eftir um það bil 8 milljarða ára. Það er gríðarlega langur tími, lengri en aldur jarðarinnar núna (4,6 milljarðar ára), og miklu lengri en svo að við getum skilið það almennilega.
Svo er hitt annað mál, hvort nokkurt líf verður á jörðinni þegar þetta gerist. Margt getur orðið til þess að lífið hér á jörð deyi út á svona firna löngum tíma, til dæmis ýmiss konar ytri áhrif eins og stórir loftsteinar sem rekast á jörðina. Einnig gætu meiri háttar eldgosahrinur eða aðrar náttúruhamfarir haft sömu áhrif. Sömuleiðis telja margir að lífið á jörðinni muni kannski tortíma sjálfu sér.
Svo getur líka verið að lífið á jörðinni hafi komið sér fyrir annars staðar í geimnum áður en að þessu kemur. Slíkt verður þó afar erfitt vegna þess að lífvænlegar reikistjörnur úti í geimnum eru geysilega langt í burtu frá okkur.
Sólin
Rís 10:17 • sest 16:10
Tunglið
Rís 21:40 • Sest 15:54
Flóð
Árdegis: 10:12 • Síðdegis: 22:46
Fjara
Árdegis: 03:46 • Síðdegis: 16:36
