Væri höfuðborgarsvæðið í hættu ef gos hefst í Bláfjöllum? Hvaða svæði væru í mestri hættu?

Nafn þitt

Netfang þitt

Netfang móttakanda

Ruslpóstvörn =

Svar

Væri höfuðborgarsvæðið í hættu ef gos hefst í Bláfjöllum? Hvaða svæði væru í mestri hættu?
Hér er einnig svar við spurningunni:

Hvaða áhrif hefði eldgos í Bláfjöllum á höfuðborgarsvæðið?

Ef eldgos kæmi upp í Bláfjöllum myndi það að öllum líkindum tengjast basískri kviku en það er sú bráð sem alla jafna myndar hraun og litla gosmekki. Ætla má að í byrjun yrði gosið öflugt sem gæti leitt til þess að flugumferð í kringum Reykjavík og Keflavík myndi stöðvast um sinn. Fljótlega drægi þó úr gosinu og hraun færi að renna.

Væri um lítið gos að ræða myndu hraun ekki geta teygt sig inn á Reykjavíkursvæðið en hugsanlega yrðu einhver landspjöll í Heiðmörk. Líklegt má telja að skíðasvæðið í Bláfjöllum yrði fyrir einhverjum skakkaföllum, en við erum jú vön því að komast ekki alltaf á skíði vegna veðurs, svo að það getur ekki talist alvarlegt. Hins vegar myndi leggja yfir Reykjavík mikinn og sterkan brennisteinsþef af gosstöðvunum ef vindar blésu af Bláfjöllum og til Reykjavíkur. Í slíkum veðrum mætti einnig gera ráð fyrir einhverju öskufalli, þó í litlum mæli yrði.

Hraun gætu eingöngu náð inn á Reykjavíkursvæðið í stærri eldgosum og kæmu þau þá annað hvort niður Elliðaárdal eða rynnu niður í Hafnarfjörð. Raunar er yngsta hverfi Hafnarfjarðar, næst álverinu í Straumsvík, byggt á 1000 ára gömlu hrauni. Því má ljóst vera að ef hraun færi inn í Reykjavík yrði skaðinn ekki mikill heldur frekar óþægindi. Rynni hraunið hins vegar til Hafnarfjarðar gæti orðið einhver skaði í nýju hverfunum þar og á iðnaðarsvæðinu.

Líklegast er þó að eldgos í Bláfjöllum yrði stórfenglegt „ferðamannagos“ og myndi auka verulega ferðamannastraum til höfuðborgasvæðisins.

Mynd:

• Mats Icelandic Image Library © Mats Wibe Lund. Birt með góðfúslegu leyfi.

...