Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Stutta svarið er: Af því að þá mundi ríkja dagsbirta á nóttunni og náttmyrkur á daginn, því að sólin er svo miklu bjartari en tunglið. En auðvitað getur enginn bannað okkur að kalla nóttina dag og daginn nótt ef það væri til dæmis samþykkt með miklum meirihluta í þjóðaratkvæði. En líklega er það ekki þetta sem spyrjandi á við.
Það að dagur og nótt skiptast á í sífellu nefnist dægraskipti. Þau stafa af snúningi jarðar um möndul sinn, miðað við sól.
Við getum til dæmis hugsað okkur að jörðin hætti að snúast um möndulinn í 12 klukkustundir en klukkurnar okkar héldu áfram að ganga, þar á meðal þær sem sýna tíma sólarhringsins í 24 stundum þannig að þær segja til um dag og nótt. Sólin mundi þá vera kyrr á himninum í þennan tíma, hvort sem hún er ofan sjóndeildarhrings (dagur hjá okkur) eða fyrir neðan hann (nótt hjá okkur, dagur annars staðar á jörðinni). En síðan mundi hún aftur fara að ganga eðlilega um himininn eins og við eigum að venjast.
Að þessu loknu yrði dimmt þegar klukkurnar sýna 12 á hádegi en bjart þegar þær sýna miðnætti. En hitt er svo allt annað mál hvað menn mundu kalla dag og hvað nótt. Líklegast er að þeir mundu áfram kalla bjartan tíma sólarhringsins dag en myrkurtímann nótt. Sólin yrði því áfram uppi á daginn og tunglið á nóttunni.
Mynd:Winyah Bay Inn
Þorsteinn Vilhjálmsson. „Af hverju er tunglið ekki uppi á daginn og sólin á nóttunni?“ Vísindavefurinn, 5. september 2003, sótt 21. nóvember 2024, https://visindavefur.is/svar.php?id=3710.
Þorsteinn Vilhjálmsson. (2003, 5. september). Af hverju er tunglið ekki uppi á daginn og sólin á nóttunni? Vísindavefurinn. https://visindavefur.is/svar.php?id=3710
Þorsteinn Vilhjálmsson. „Af hverju er tunglið ekki uppi á daginn og sólin á nóttunni?“ Vísindavefurinn. 5. sep. 2003. Vefsíða. 21. nóv. 2024. <https://visindavefur.is/svar.php?id=3710>.
Sólin
Rís 10:17 • sest 16:10
Tunglið
Rís 21:40 • Sest 15:54
Flóð
Árdegis: 10:12 • Síðdegis: 22:46
Fjara
Árdegis: 03:46 • Síðdegis: 16:36
Það að dagur og nótt skiptast á í sífellu nefnist dægraskipti. Þau stafa af snúningi jarðar um möndul sinn, miðað við sól.
Við getum til dæmis hugsað okkur að jörðin hætti að snúast um möndulinn í 12 klukkustundir en klukkurnar okkar héldu áfram að ganga, þar á meðal þær sem sýna tíma sólarhringsins í 24 stundum þannig að þær segja til um dag og nótt. Sólin mundi þá vera kyrr á himninum í þennan tíma, hvort sem hún er ofan sjóndeildarhrings (dagur hjá okkur) eða fyrir neðan hann (nótt hjá okkur, dagur annars staðar á jörðinni). En síðan mundi hún aftur fara að ganga eðlilega um himininn eins og við eigum að venjast.
Að þessu loknu yrði dimmt þegar klukkurnar sýna 12 á hádegi en bjart þegar þær sýna miðnætti. En hitt er svo allt annað mál hvað menn mundu kalla dag og hvað nótt. Líklegast er að þeir mundu áfram kalla bjartan tíma sólarhringsins dag en myrkurtímann nótt. Sólin yrði því áfram uppi á daginn og tunglið á nóttunni.
Mynd: Winyah Bay Inn
