Sólin Sólin Rís 06:41 • sest 20:23 í Reykjavík
Tunglið Tunglið Rís 05:00 • Sest 04:51 í Reykjavík
Flóð Flóð Árdegis: 08:59 • Síðdegis: 21:23 í Reykjavík
Fjaran Fjara Árdegis: 02:51 • Síðdegis: 15:06 í Reykjavík
Sólin Sólin Rís 06:41 • sest 20:23 í Reykjavík
Tunglið Tunglið Rís 05:00 • Sest 04:51 í Reykjavík
Flóð Flóð Árdegis: 08:59 • Síðdegis: 21:23 í Reykjavík
Fjaran Fjara Árdegis: 02:51 • Síðdegis: 15:06 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Náttúruvísindi og verkfræði Lífvísindi: dýrafræði Hvar á líkama slöngu koma eggin út?

Flokkun:

30.6.2003
Náttúruvísindi og verkfræði Lífvísindi: dýrafræði

Hvar á líkama slöngu koma eggin út?

Jón Már Halldórsson



Myndin hér að ofan sýnir skipan helstu líffæra kóbraslöngu. Myndin er af karlkyns slöngu, en líffæraskipan kvenkynsins er nánast sú sama. Aftast á dýrinu er gotraufin (e. cloaca). Hún er sameiginlegur þarfagangur fyrir úrgang og egg eða sæði. Gotraufin er aftarlega á dýrinu; liggur kviðlægt á líkama slöngunnar. Vegna staðsetningar gotraufarinnar má sjá að aftasti hluti slöngunnar er arfur frá rófunni sem forfeður slangna höfðu. Eggin ganga sem sagt út eftir endaþarmi og út um gotraufina. Myndin hér að neðan sýnir þrjár tegundir slöngueggja.

Slöngur hafa þróast í þá átt að vera sem rennilegastar og því hafa karlkyns slöngur ekki getnaðarlim heldur líkjast ytri kynfæri þeirra ytri kynfærum kvenslangna. Við mök leggja slöngurnar gotraufarnar saman og sæði flyst inn í líkama kvenslöngunnar.

Ekki verpa allar slöngur eggjum; um 30 af hundraði tegunda gjóta kvikum ungum. Þær tegundir eru aðallega bundar við tempruð svæði þar sem veðurfarið hentar ekki mjúkum og leðurkenndum slöngueggjum. Móðureðlið er ekki sérstaklega sterkt hjá slöngum því eftir varpið yfirgefur móðirin eggin og skiptir sér ekki meira af þeim. Að vísu velur hún hreiðurstaðinn vandlega en þá er móðurumhyggjan upp talin. Við klak hefja ungarnir strax lífsbaráttuna en þeir eru óvenju sjálfbjarga, kvikir og með vel þroskuð skynfæri.

Heimildir og myndir:
  • Ernst, C. H. og Zug, George R. Snakes in Question. Smithsonian Institution Press, 1996.
  • Bauchot, Roland (ritstj.). Snakes: A Natural History. Sterling Publishing, 1994.
  • Myndir eru frá Microsoft Encarta alfræðiritinu.

Höfundur

Jón Már Halldórsson

Jón Már Halldórsson

líffræðingur

Útgáfudagur

30.6.2003

Spyrjandi

Gunnar Ólafsson, f. 1992

Efnisorð

Tilvísun

Jón Már Halldórsson. „Hvar á líkama slöngu koma eggin út?“ Vísindavefurinn, 30. júní 2003, sótt 2. apríl 2025, https://visindavefur.is/svar.php?id=3538.

Jón Már Halldórsson. (2003, 30. júní). Hvar á líkama slöngu koma eggin út? Vísindavefurinn. https://visindavefur.is/svar.php?id=3538

Jón Már Halldórsson. „Hvar á líkama slöngu koma eggin út?“ Vísindavefurinn. 30. jún. 2003. Vefsíða. 2. apr. 2025. <https://visindavefur.is/svar.php?id=3538>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hvar á líkama slöngu koma eggin út?


Myndin hér að ofan sýnir skipan helstu líffæra kóbraslöngu. Myndin er af karlkyns slöngu, en líffæraskipan kvenkynsins er nánast sú sama. Aftast á dýrinu er gotraufin (e. cloaca). Hún er sameiginlegur þarfagangur fyrir úrgang og egg eða sæði. Gotraufin er aftarlega á dýrinu; liggur kviðlægt á líkama slöngunnar. Vegna staðsetningar gotraufarinnar má sjá að aftasti hluti slöngunnar er arfur frá rófunni sem forfeður slangna höfðu. Eggin ganga sem sagt út eftir endaþarmi og út um gotraufina. Myndin hér að neðan sýnir þrjár tegundir slöngueggja.

Slöngur hafa þróast í þá átt að vera sem rennilegastar og því hafa karlkyns slöngur ekki getnaðarlim heldur líkjast ytri kynfæri þeirra ytri kynfærum kvenslangna. Við mök leggja slöngurnar gotraufarnar saman og sæði flyst inn í líkama kvenslöngunnar.

Ekki verpa allar slöngur eggjum; um 30 af hundraði tegunda gjóta kvikum ungum. Þær tegundir eru aðallega bundar við tempruð svæði þar sem veðurfarið hentar ekki mjúkum og leðurkenndum slöngueggjum. Móðureðlið er ekki sérstaklega sterkt hjá slöngum því eftir varpið yfirgefur móðirin eggin og skiptir sér ekki meira af þeim. Að vísu velur hún hreiðurstaðinn vandlega en þá er móðurumhyggjan upp talin. Við klak hefja ungarnir strax lífsbaráttuna en þeir eru óvenju sjálfbjarga, kvikir og með vel þroskuð skynfæri.

Heimildir og myndir:
  • Ernst, C. H. og Zug, George R. Snakes in Question. Smithsonian Institution Press, 1996.
  • Bauchot, Roland (ritstj.). Snakes: A Natural History. Sterling Publishing, 1994.
  • Myndir eru frá Microsoft Encarta alfræðiritinu.
...