Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Náttúruvísindi og verkfræði Lífvísindi: dýrafræði Hvenær verða kettir kynþroska og hvað geta þeir eignast marga kettlinga í einu?

Flokkun:

19.5.2003
Náttúruvísindi og verkfræði Lífvísindi: dýrafræði

Hvenær verða kettir kynþroska og hvað geta þeir eignast marga kettlinga í einu?

Jón Már Halldórsson

Heimiliskötturinn (Felis silvestris catus) verður kynþroska við 7 til 12 mánaða aldur og undir eðlilegum kringumstæðum verður læða breima fimm sinnum á ári. Kettir fara því ekki á lóðarí, heldur breima þeir. Það eru hundtíkur sem lóða og fara á lóðarí.

Meðgangan tekur að meðaltali 63 til 65 daga og meðal kettlingafjöldi hjá flestum heimiliskattakynjum eru fjórir kettlingar í goti. Þó þekkist það hjá nokkrum ræktunarafbrigðum að meðalfjöldi kettlinga í hverju goti sé hærri eða lægri. Hjá síamsköttum er meðaltalið til dæmis fimm kettlingar í goti, en hins vegar þrír kettlingar í goti hjá abyssiníuafbrigðinu.

Kettlingarnir fæðast blindir, heyrnarlausir og algjörlega hjálparvana. Þegar þeir eru orðnir 10 til 12 daga gamlir, fara skynfærin að taka við sér og þeir kanna í sívaxandi mæli nánasta umhverfi bælisins. Villikettir gjóta venjulega einu sinni á ári en húskettir geta átt kettlinga allt að þrisvar sinnum á ári. Því taka kattareigendur til þess bragðs (sérstaklega eigendur læðna) að "taka þær úr sambandi" eða fara með þær í ófrjósemisaðgerð, svo þær séu ekki alltaf að ala af sér kettlinga.

Lesa má nánar um ketti og kettlinga á Vísindavefnum með því að smella á efnisorðin hér að neðan.

Mynd: CatsInfo.com

Hér var einnig svarað spurningunni:
Fara kettir á lóðarí?

Höfundur

Jón Már Halldórsson

Jón Már Halldórsson

líffræðingur

Útgáfudagur

19.5.2003

Spyrjandi

Una Harðardóttir, f. 1989
Hildur Lovísa, f. 1990

Efnisorð

Tilvísun

Jón Már Halldórsson. „Hvenær verða kettir kynþroska og hvað geta þeir eignast marga kettlinga í einu?“ Vísindavefurinn, 19. maí 2003, sótt 21. nóvember 2024, https://visindavefur.is/svar.php?id=3429.

Jón Már Halldórsson. (2003, 19. maí). Hvenær verða kettir kynþroska og hvað geta þeir eignast marga kettlinga í einu? Vísindavefurinn. https://visindavefur.is/svar.php?id=3429

Jón Már Halldórsson. „Hvenær verða kettir kynþroska og hvað geta þeir eignast marga kettlinga í einu?“ Vísindavefurinn. 19. maí. 2003. Vefsíða. 21. nóv. 2024. <https://visindavefur.is/svar.php?id=3429>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Hvenær verða kettir kynþroska og hvað geta þeir eignast marga kettlinga í einu?
Heimiliskötturinn (Felis silvestris catus) verður kynþroska við 7 til 12 mánaða aldur og undir eðlilegum kringumstæðum verður læða breima fimm sinnum á ári. Kettir fara því ekki á lóðarí, heldur breima þeir. Það eru hundtíkur sem lóða og fara á lóðarí.

Meðgangan tekur að meðaltali 63 til 65 daga og meðal kettlingafjöldi hjá flestum heimiliskattakynjum eru fjórir kettlingar í goti. Þó þekkist það hjá nokkrum ræktunarafbrigðum að meðalfjöldi kettlinga í hverju goti sé hærri eða lægri. Hjá síamsköttum er meðaltalið til dæmis fimm kettlingar í goti, en hins vegar þrír kettlingar í goti hjá abyssiníuafbrigðinu.

Kettlingarnir fæðast blindir, heyrnarlausir og algjörlega hjálparvana. Þegar þeir eru orðnir 10 til 12 daga gamlir, fara skynfærin að taka við sér og þeir kanna í sívaxandi mæli nánasta umhverfi bælisins. Villikettir gjóta venjulega einu sinni á ári en húskettir geta átt kettlinga allt að þrisvar sinnum á ári. Því taka kattareigendur til þess bragðs (sérstaklega eigendur læðna) að "taka þær úr sambandi" eða fara með þær í ófrjósemisaðgerð, svo þær séu ekki alltaf að ala af sér kettlinga.

Lesa má nánar um ketti og kettlinga á Vísindavefnum með því að smella á efnisorðin hér að neðan.

Mynd: CatsInfo.com

Hér var einnig svarað spurningunni:
Fara kettir á lóðarí?
...