Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
ECR er skammstöfun á Efficient Consumer Response og hefur það verið þýtt sem skilvirk neytendasvörun. QR er skammstöfun á Quick Response, sem þýðir einfaldlega skjót viðbrögð. Bæði hugtökin eru notuð í tengslum við vöruflæði og birgðastjórnun og samskipti einstakra liða í keðju fyrirtækja frá framleiðanda til neytenda.
QR kom fyrst fram sem skipulagt kerfi um miðjan níunda áratuginn og á rætur sínar að rekja til aðferða sem voru þróaðar í Bandaríkjunum fyrir verslun með fatnað og skyldar vörur. Í sinni einföldustu mynd er um að ræða kerfi sem styttir leiðina frá framleiðendum til verslana og styttir tímann sem það tekur að koma nýjum flíkum í verslanir í stað þeirra sem seljast. Árangur á þessu sviði getur bæði minnkað birgðahald og dregið úr rýrnun. QR byggist meðal annars á ýmsum samskiptastöðlum fyrir kaupendur og seljendur á hverju stigi, strikamerkingum og skjalaskiptum með aðstoð tölva í stað pappírs áður.
ECR kom fram í upphafi tíunda áratugarins, einnig í Bandaríkjunum. Það var upphaflega þróað fyrir svokallaðar dagvöruverslanir, sem selja matvæli og skyldar vörur. Það byggist að nokkru á svipuðum hugmyndum og QR en er sniðið að þörfum þessara verslana sem meðal annars velta yfirleitt birgðum sínum miklu hraðar en fataverslanir. Að mörgu leyti skarast þessar tvær hugmyndir og hafa leitt fram svipaðar lausnir á ýmsum viðfangsefnum.
ECR nær til fleiri þátta í starfsemi viðkomandi fyrirtækja en QR og er því nokkuð víðtækara hugtak. Þá eru áherslur einnig nokkuð mismunandi á milli þessara kerfa. Hugmyndin með QR er aukinn flýtir (sem getur sparað stórfé) en ECR er beinlínis ætlað að finna leiðir til sparnaðar. Þótt bæði kerfin eigi rætur sínar að rekja til Bandaríkjanna hafa þau einnig verið tekið í notkun og þróuð annars staðar.
Mynd:
Sólin
Rís 10:17 • sest 16:10
Tunglið
Rís 21:40 • Sest 15:54
Flóð
Árdegis: 10:12 • Síðdegis: 22:46
Fjara
Árdegis: 03:46 • Síðdegis: 16:36
ECR kom fram í upphafi tíunda áratugarins, einnig í Bandaríkjunum. Það var upphaflega þróað fyrir svokallaðar dagvöruverslanir, sem selja matvæli og skyldar vörur. Það byggist að nokkru á svipuðum hugmyndum og QR en er sniðið að þörfum þessara verslana sem meðal annars velta yfirleitt birgðum sínum miklu hraðar en fataverslanir. Að mörgu leyti skarast þessar tvær hugmyndir og hafa leitt fram svipaðar lausnir á ýmsum viðfangsefnum.
ECR nær til fleiri þátta í starfsemi viðkomandi fyrirtækja en QR og er því nokkuð víðtækara hugtak. Þá eru áherslur einnig nokkuð mismunandi á milli þessara kerfa. Hugmyndin með QR er aukinn flýtir (sem getur sparað stórfé) en ECR er beinlínis ætlað að finna leiðir til sparnaðar. Þótt bæði kerfin eigi rætur sínar að rekja til Bandaríkjanna hafa þau einnig verið tekið í notkun og þróuð annars staðar.
Mynd:
