Hvað hefur nýburi sem vegur 16 merkur eða 4 kg mikið magn af blóði í líkamanum?

Nafn þitt

Netfang þitt

Netfang móttakanda

Ruslpóstvörn =

Svar

Hvað hefur nýburi sem vegur 16 merkur eða 4 kg mikið magn af blóði í líkamanum?
Til að reikna út blóðmagn í nýbura er eftirfarandi jafna notuð:

$$~\text{Áætlað blóðrúmmál}$$ $$= ~\text{þyngd (kg)} \cdot ~\text{meðalblóðrúmmál (á hvert kg).}$$Meðalblóðrúmmál fyrir fullburða nýbura er um 80 mL/kg en meðalblóðrúmmál fyrir fyrirbura er um 95 mL/kg. Þó er rétt að geta þess að heimildir gefa ekki allar upp nákvæmlega sama meðalblóðsrúmmál og á það jafnt við um nýfædd börn og þá sem eldri eru, þannig að gildin sem hér eru notuð eru til viðmiðunar.

Þar sem spurt er um nýbura sem fæðist 4 kg að þyngd er um fullburða barn að ræða og því má áætla að blóðmagnið í honum sé: $$4~\text{kg} \cdot 80~\text{mL/kg} = 320~\text{mL.}$$Til gamans má benda á töflu á vef University of Michigan Medical School en þar má sjá stuðla til þess að reikna út blóðmagn hjá börnum, konum og körlum. Þessi tafla er þó einfölduð eins og flest annað þegar kemur að umfjöllun um blóðmagn einstaklinga.

Heimildir:

• Pediatric Care Online. (Skoðað 14.8.2012).
• University of Michigan Medical School. (Skoðað 14.8.2012).

Mynd:

• Infant - Wikipedia, the free encyclopedia. (Sótt 15.8.2012).

...