Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
Sólin Sólin Rís 10:17 • sest 16:10 í Reykjavík
Tunglið Tunglið Rís 21:40 • Sest 15:54 í Reykjavík
Flóð Flóð Árdegis: 10:12 • Síðdegis: 22:46 í Reykjavík
Fjaran Fjara Árdegis: 03:46 • Síðdegis: 16:36 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Náttúruvísindi og verkfræði Efnafræði Er það satt að örfín glerbrot séu sett í íslenska neftóbakið til að fá skjótari áhrif?

Flokkun:

30.11.2011
Náttúruvísindi og verkfræði Efnafræði

Er það satt að örfín glerbrot séu sett í íslenska neftóbakið til að fá skjótari áhrif?

Emelía Eiríksdóttir

Nei, íslenska tóbakið inniheldur hvorki hrossaskít né glerbrot eins og margir telja. Ástæðan fyrir flökkusögunni um að örfín glerbrot séu í munn- eða neftóbaki er líklega sú að stundum svíður mönnum undan tóbakinu.

Í íslenska neftóbakinu er hrátóbak, pottaska (kalín karbónat, K2CO3), ammoníak (NH3), salt og vatn, eins og fram kemur í svari við spurningunni Er hrossaskítur í íslenska neftóbakinu? Líklega er það saltið, pottaskan og ammoníakið sem valda sviðanum.

Það er líklega saltið, pottaskan og ammóníakið í neftóbaki sem valda sviða við notkun.

Í íslenska neftóbakinu ráða tveir basar sýrustiginu (pH), það er pottaskan og ammoníakið. Hrátóbakið sjálft inniheldur svolítið af ammóníaki (0,25%) og er sýrustigið í því um 5,4. Tilbúið neftóbak inniheldur 0,33% ammóníak auk pottösku og er sýrustigið 8,45; íslenska neftóbakið er því frekar basískt.

Ammóníaki er bætt við tóbakið til að hækka sýrustig þess og auka þar með upptöku á nikótíninu en einnig til að verja það fyrir myglu. Erlent neftóbak er stundum gerilsneytt í sama tilgangi og þarf þá ekki að bæta ammóníaki í það. Þannig er sýrustig í neftóbakinu Lunda, sem nýverið kom í búðir á Íslandi, um 7.

Sýrustig á munnvatni í heilbrigðum munni er um 7,2 og í slímhúðinni í nösunum er það um 6,3. Því meiri sem munurinn er á sýrustigi tóbaks og sýrustigi munns eða nasa, því meiri verða viðbrögð slímhúðarinnar á viðkomandi stöðum.

Basarnir einir og sér geta valdið bólgumyndun í slímhúðunum og þar með sviða; saltið eykur svo sviðann. Þannig gætu áhrifin af völdum munn- eða neftóbaksnotkunar verið svipuð því að rispa slímhúðina með örfínum glersalla, sem útskýrir fyrrnefnda flökkusögu. Í báðum tilvikum mundi slímhúðin bólgna upp og viðkomandi einstaklingar upplifa sviða.

Heimildir:

Mynd:

Eftirfarandi spurningu var einnig svarað:
  • Hvaða efni í íslensku neftóbaki skemma slímhúðina í nefinu?

Höfundur

Emelía Eiríksdóttir

Emelía Eiríksdóttir

efnafræðingur og starfsmaður Vísindavefsins

Útgáfudagur

30.11.2011

Spyrjandi

Höður Heiðarsson, Henný Hrund Jóhannsdóttir, Guðmundur Ingi Jónsson

Efnisorð

Tilvísun

Emelía Eiríksdóttir. „Er það satt að örfín glerbrot séu sett í íslenska neftóbakið til að fá skjótari áhrif?“ Vísindavefurinn, 30. nóvember 2011, sótt 21. nóvember 2024, https://visindavefur.is/svar.php?id=25184.

Emelía Eiríksdóttir. (2011, 30. nóvember). Er það satt að örfín glerbrot séu sett í íslenska neftóbakið til að fá skjótari áhrif? Vísindavefurinn. https://visindavefur.is/svar.php?id=25184

Emelía Eiríksdóttir. „Er það satt að örfín glerbrot séu sett í íslenska neftóbakið til að fá skjótari áhrif?“ Vísindavefurinn. 30. nóv. 2011. Vefsíða. 21. nóv. 2024. <https://visindavefur.is/svar.php?id=25184>.

Chicago | APA | MLA

Tengd svör

Skoða öll nýjustu svörin

Þessi síða notar vafrakökur Nánari upplýsingar

Ég samþykki

Senda grein til vinar

=

Er það satt að örfín glerbrot séu sett í íslenska neftóbakið til að fá skjótari áhrif?
Nei, íslenska tóbakið inniheldur hvorki hrossaskít né glerbrot eins og margir telja. Ástæðan fyrir flökkusögunni um að örfín glerbrot séu í munn- eða neftóbaki er líklega sú að stundum svíður mönnum undan tóbakinu.

Í íslenska neftóbakinu er hrátóbak, pottaska (kalín karbónat, K2CO3), ammoníak (NH3), salt og vatn, eins og fram kemur í svari við spurningunni Er hrossaskítur í íslenska neftóbakinu? Líklega er það saltið, pottaskan og ammoníakið sem valda sviðanum.

Það er líklega saltið, pottaskan og ammóníakið í neftóbaki sem valda sviða við notkun.

Í íslenska neftóbakinu ráða tveir basar sýrustiginu (pH), það er pottaskan og ammoníakið. Hrátóbakið sjálft inniheldur svolítið af ammóníaki (0,25%) og er sýrustigið í því um 5,4. Tilbúið neftóbak inniheldur 0,33% ammóníak auk pottösku og er sýrustigið 8,45; íslenska neftóbakið er því frekar basískt.

Ammóníaki er bætt við tóbakið til að hækka sýrustig þess og auka þar með upptöku á nikótíninu en einnig til að verja það fyrir myglu. Erlent neftóbak er stundum gerilsneytt í sama tilgangi og þarf þá ekki að bæta ammóníaki í það. Þannig er sýrustig í neftóbakinu Lunda, sem nýverið kom í búðir á Íslandi, um 7.

Sýrustig á munnvatni í heilbrigðum munni er um 7,2 og í slímhúðinni í nösunum er það um 6,3. Því meiri sem munurinn er á sýrustigi tóbaks og sýrustigi munns eða nasa, því meiri verða viðbrögð slímhúðarinnar á viðkomandi stöðum.

Basarnir einir og sér geta valdið bólgumyndun í slímhúðunum og þar með sviða; saltið eykur svo sviðann. Þannig gætu áhrifin af völdum munn- eða neftóbaksnotkunar verið svipuð því að rispa slímhúðina með örfínum glersalla, sem útskýrir fyrrnefnda flökkusögu. Í báðum tilvikum mundi slímhúðin bólgna upp og viðkomandi einstaklingar upplifa sviða.

Heimildir:

Mynd:

Eftirfarandi spurningu var einnig svarað:
  • Hvaða efni í íslensku neftóbaki skemma slímhúðina í nefinu?

...