Sólin Sólin Rís 06:48 • sest 20:17 í Reykjavík
Tunglið Tunglið Rís 06:32 • Sest 25:17 í Reykjavík
Flóð Flóð Árdegis: 07:31 • Síðdegis: 19:52 í Reykjavík
Fjaran Fjara Árdegis: 01:25 • Síðdegis: 13:44 í Reykjavík
Sólin Sólin Rís 06:48 • sest 20:17 í Reykjavík
Tunglið Tunglið Rís 06:32 • Sest 25:17 í Reykjavík
Flóð Flóð Árdegis: 07:31 • Síðdegis: 19:52 í Reykjavík
Fjaran Fjara Árdegis: 01:25 • Síðdegis: 13:44 í Reykjavík
LeiðbeiningarTil baka

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=
Forsíða Félagsvísindi Þjóðfræði Getur uppstigningardag og sumardaginn fyrsta borið upp á sama dag?

Flokkun:

22.4.2009
Félagsvísindi Þjóðfræði

Getur uppstigningardag og sumardaginn fyrsta borið upp á sama dag?

EDS

Bæði uppstigningardag og sumardaginn fyrsta ber upp á fimmtudag að vori og því er ekki óeðlilegt að velta fyrir sér hvort þeir geti fallið á sama daginn.

Uppstigningardagur er fimmtudagur fjörtíu dögum eftir páska. Eins og fram kemur í svari við spurningunni Af hverju eru páskarnir ekki alltaf á sama tíma? er reglan um páska í kirkjum Vesturlanda sú að páskadagur er fyrsti sunnudagur eftir fyrsta fullt tungl frá og með 21. mars, en þá eru yfirleitt vorjafndægur. Reglan leiðir til þess að páskadagur getur í fyrsta lagi fallið á 22. mars og í síðasta lagi á 25. apríl. Uppstigningardagur getur því í fyrsta lagi borið upp á 30. apríl en í síðasta lagi 4. júní.

Það eru engar líkur á því að skátar muni fagna sumardeginum fyrsta með skrúðgöngu á uppstigningardag.

Sumardagurinn fyrsti er alltaf fimmtudagur á bilinu 19.- 25. apríl eins og fram kemur í svari við spurningunni Af hverju er sumardagurinn fyrsti haldinn hátíðlegur? Það er því ljóst að sumardagurinn fyrsti er alltaf á undan uppstigningardegi.

Hins vegar getur sumardagurinn fyrsti fallið á annan frídag á fimmtudegi, nefnilega skírdag ef páskar eru óvenju seint í apríl. Árið 2011 bar sumardaginn fyrsta til dæmis upp á 21. apríl en páskadagur var 24. apríl. Skírdagur, sem er fimmtudagurinn fyrir páska, var því sama dag og sumri var fagnað það ár.

Heimild og mynd:

Höfundur

Emilía Dagný Sveinbjörnsdóttir

EDS

Útgáfudagur

22.4.2009

Síðast uppfært

21.4.2021

Spyrjandi

Stígur Helgason

Efnisorð

Tilvísun

EDS. „Getur uppstigningardag og sumardaginn fyrsta borið upp á sama dag?“ Vísindavefurinn, 22. apríl 2009, sótt 31. mars 2025, https://visindavefur.is/svar.php?id=23330.

EDS. (2009, 22. apríl). Getur uppstigningardag og sumardaginn fyrsta borið upp á sama dag? Vísindavefurinn. https://visindavefur.is/svar.php?id=23330

EDS. „Getur uppstigningardag og sumardaginn fyrsta borið upp á sama dag?“ Vísindavefurinn. 22. apr. 2009. Vefsíða. 31. mar. 2025. <https://visindavefur.is/svar.php?id=23330>.

Chicago | APA | MLA

Þessi síða notar vafrakökur Nánari upplýsingar

Ég samþykki

Senda grein til vinar

=

Getur uppstigningardag og sumardaginn fyrsta borið upp á sama dag?
Bæði uppstigningardag og sumardaginn fyrsta ber upp á fimmtudag að vori og því er ekki óeðlilegt að velta fyrir sér hvort þeir geti fallið á sama daginn.

Uppstigningardagur er fimmtudagur fjörtíu dögum eftir páska. Eins og fram kemur í svari við spurningunni Af hverju eru páskarnir ekki alltaf á sama tíma? er reglan um páska í kirkjum Vesturlanda sú að páskadagur er fyrsti sunnudagur eftir fyrsta fullt tungl frá og með 21. mars, en þá eru yfirleitt vorjafndægur. Reglan leiðir til þess að páskadagur getur í fyrsta lagi fallið á 22. mars og í síðasta lagi á 25. apríl. Uppstigningardagur getur því í fyrsta lagi borið upp á 30. apríl en í síðasta lagi 4. júní.

Það eru engar líkur á því að skátar muni fagna sumardeginum fyrsta með skrúðgöngu á uppstigningardag.

Sumardagurinn fyrsti er alltaf fimmtudagur á bilinu 19.- 25. apríl eins og fram kemur í svari við spurningunni Af hverju er sumardagurinn fyrsti haldinn hátíðlegur? Það er því ljóst að sumardagurinn fyrsti er alltaf á undan uppstigningardegi.

Hins vegar getur sumardagurinn fyrsti fallið á annan frídag á fimmtudegi, nefnilega skírdag ef páskar eru óvenju seint í apríl. Árið 2011 bar sumardaginn fyrsta til dæmis upp á 21. apríl en páskadagur var 24. apríl. Skírdagur, sem er fimmtudagurinn fyrir páska, var því sama dag og sumri var fagnað það ár.

Heimild og mynd: ...