Hvað er hambjalla? Því þrífst hún í hýbýlum manna? Getur hún valdið skaða?

Nafn þitt

Netfang þitt

Netfang móttakanda

Ruslpóstvörn =

Svar

Hvað er hambjalla? Því þrífst hún í hýbýlum manna? Getur hún valdið skaða?
Hambjallan eða hamgæra (lat. Reesa vespulae) er af ættbálki bjalla (Coleoptera) sem er tegundaauðugasti ættbálkur dýraríkisins og telur um 400 þúsund tegundir. Hér á landi finnast rétt tæplega 200 tegundir en auk þess hafa verið greindar rúmlega 100 tegundir sem borist hafa sem flækingar.

Nafnið hambjalla er dregið af hamskiptum hennar. Meðan hún er á lirfustiginu skiptir bjallan um ham 5-7 sinnum og skilur haminn eftir þar sem hún hefur verið. Hambjalla fannst í fyrsta skiptið á Íslandi árið 1974 í húsakynnum Náttúrufræðistofnunar.

Bjöllur þessar eru 3-4 millimetrar á lengd. Ástæðan fyrir því að hambjallan lifir í híbýlum okkar er einfaldlega sú að henni líður vel í húsum. Þar er oftast nægt fæðuframboð allan ársins hring og umhverfisaðstæður henta henni vel. Þær geta leynst víða eins og til dæmis í skápum, gluggakistum gamalla húsa og víða þar sem gott skjól er að finna.

Tjón af völdum þessara dýra í híbýlum okkar er sáralítið. Lirfur tegundarinnar nærast einkum á dýraleifum og þá einkum á skordýraleifum. Það eru aðallega fullorðnu dýrin sem geta valdið einhverju tjóni en það er nær einungis bundið við ýmis náttúrugripasöfn þar sem bjöllurnar geta valdið skemmdum á safngripum með því að gera sér mat úr próteini í hamnum á uppstoppuðum dýrum.

Hambjalla (l. Reesa vespulae).

Myndin af hambjöllunni var á vefsetrinu www.dermestidae.com

...