Eru lesblindir með minni orðaforða heldur en aðrir?

Nafn þitt

Netfang þitt

Netfang móttakanda

Ruslpóstvörn =

Svar

Eru lesblindir með minni orðaforða heldur en aðrir?
Upprunalega spurningin hljóðaði svona:

Eru lesblindir með minni orðaforða heldur en vel læs manneskja?

Lesblinda (dyslexia) er ættgeng. Ef mikið er um lesblindu í tiltekinni ætt er því líklegra að barn innan hennar greinist með lesblindu síðar á ævinni. Fylgst hefur verið með slíkum börnum áður en þeim er kennt að lesa.

Þegar börn sem síðar greinast lesblind eru tveggja ára eru setningar þeirra almennt styttri og málfræðilega einfaldari en setningar annarra barna. Fyrrnefndu börnin eru sömuleiðis líklegri til þess að bera orð fram vitlaust. Á þessum aldri finnst þó enginn sérstakur munur á orðaforða þessara og annarra barna.

Þriggja ára börn sem síðar á ævinni greinast lesblind skilja aftur á móti almennt færri orð en önnur börn á sama aldri. Þau eiga einnig erfiðara með að nefna hvaða hlutir eru á myndum sem þeim eru sýndar. Tungumálaerfiðleikar ungra barna, þar með talið orðaforði þeirra, hafa því forspárgildi um hvernig þeim gengur að lesa síðar á ævinni. Minni orðaforði barna sem síðar verða lesblind gæti þó mögulega orsakast af öðrum vandamálum með tungumál sem þegar hafa komið fram við tveggja ára aldur.

Heimild:

• Very Early Language Deficits in Dyslexic Children - Scarborough - 2008 - Child Development - Wiley Online Library. (Sótt 3.11.2015).

Mynd:

• Three-year-old Lee Martin McMullan, one of the 54 children who attend Mencap’s Segal House Nursery in south Belfast, gets to grips with some serious play with nursery assistant Kerry McNair and Education Minister John O’Dowd | Flickr - Photo Sharing!. (Sótt 3.11.2015).

...