Hvert er latneska heitið á íslenska fjárhundinum?

Nafn þitt

Netfang þitt

Netfang móttakanda

Ruslpóstvörn =

Svar

Hvert er latneska heitið á íslenska fjárhundinum?
"Pish for thee, Iceland Dog! thou prick-eared cur of Iceland!"

("Svei þér! þú, Íslands eyrnasperrti hundur!")

(úr leikritinu Hinrik V. eftir William Shakespeare)

Íslenski fjárhundurinn nýtur mikillar sérstöðu í heimi hundaræktenda enda hefur þetta afbrigði verið einangrað frá öðrum afbrigðum hunda í rúm 1.100 ár. Eins og fram kemur hér á undan minnist hið mikla leikritaskáld Breta, William Shakespeare, á íslenska fjárhundinn í hinu klassíska verki sínu um Bretakonunginn Hinrik fimmta. Shakespeare þekkti sæmilega til íslenska fjárhundsins vegna þess að á 15. öld var hann mjög í tísku meðal breskra hefðarkvenna.

Hin síðari ár hefur áhugafólk um íslenska hundinn haft vaxandi áhyggjur af því að þessi einkennishundur okkar Íslendinga sé að deyja út. Hér á landi eru nú aðeins nokkur hundruð hreinræktaðra einstaklinga. Sem betur fer eru til hópar í Evrópu sem hafa ræktað hann samviskusamlega og er þar mikilvægur genabanki.

Íslenski fjárhundurinn er ekki dýrategund heldur eitt afbrigði tegundarinnar hundur, en latneska heitið á henni er Canis familiaris. Eitt einkenni tegundar er það að einstaklingar af einni tegund geta ekki átt frjó afkvæmi með einstaklingum af annarri tegund. Íslenski hundurinn getur einmitt átt slík afkvæmi með hundum af öðrum afbrigðum eins og nefnt var hér á undan, og þess vegna er hann ekki tegund heldur afbrigði. Hið sama á til dæmis við um íslenska hestinn.

Sjá einnig eftirfarandi svör um hunda:

• Hvers vegna eru hundar með fleiri litninga en menn? Hefur það eitthvað með gáfur og eiginleika að gera?
• Geta úlfar og hundar eignast afkvæmi og skiptir máli hvaða hundategundir eru þar að verki?
• Af hverju eru hundar stundum grimmir og stundum góðir?
• Hver er árásargjarnastur hunda?

Mynd:

• Wikimedia Commons. (Sótt 16.7.2018). Birt undir leyfinu Creative Commons 2.0.

Texti Shakespeares:

Shakespeare, William, [1623] 1982. Leikrit I: Hinrik V. Íslensk þýðing eftir Helga Hálfdanarson. Reykjavík: Almenna Bókafélagið....