Hver er lögfræðilega skilgreiningin á líkamsárás?

Nafn þitt

Netfang þitt

Netfang móttakanda

Ruslpóstvörn =

Svar

Hver er lögfræðilega skilgreiningin á líkamsárás?
Misjafnt getur verið hvað hin ýmsu hugtök þýða bæði almennt séð og lagalega séð. Lagalega skilgreiningin á orðinu þjófnaður er til dæmis allt önnur en gengur og gerist í daglegu tali. Það sem daglega er kallað þjófnaður er hinsvegar skilgreint sem gripdeild í lagalegri merkingu og felst grundvallarmunurinn í því hvort vitni hafi verið að verknaðnum eða ekki. Þegar slíkt misræmi er milli hugtaka í lagamáli og daglegu tali þá víkur almenna merkingin fyrir lagalegu merkingunni þegar verið er að fjalla um lögfræði.

Nú skal ekki fullyrt hvort misræmi sé milli þess sem fólk almennt nefnir líkamsárás og þess sem löggjafinn kallar líkamsárás en svarið liggur í almennu hegningarlögunum nr. 19/1940. Þar má lesa út úr greinum 217 til 219 að líkamsárás teljist það þegar maður ræðst vísvitandi á annan mann og veldur honum tjóni á líkama eða heilbrigði, hvort sem um ásetning eða gáleysi er að ræða, og hljóti maður fyrir það þriggja ára fangelsi eða sektir ef um sérstakar aðstæður er um að ræða. Refsing fer síðan eftir því hversu alvarlegt tjónið er.

Almennu hegningarlögin eru mjög almennt orðuð. Þau eru fróðleg lesning fyrir þá sem eru að leita að almennum skilgreiningum á refsiverðu athæfi hér á landi....