Hve langt gæti verið þangað til að annar skjálfti á stærð við Dalvíkurskjálftann 1934 kæmi aftur?

Nafn þitt

Netfang þitt

Netfang móttakanda

Ruslpóstvörn =

Svar

Hve langt gæti verið þangað til að annar skjálfti á stærð við Dalvíkurskjálftann 1934 kæmi aftur?
Um Dalvíkurskjálftann er fjallað sérstaklega í svari við spurningunni Hvað getið þið sagt mér um Dalvíkurskjálftann 1934? og bendum við lesendum á að lesa það svar einnig.

Eðlilega er spurt hversu líklegt sé að annar eins skjálfti og Dalvíkurskjálftinn 1934 komi á næstu áratugum eða öldum. Engar sögulegar heimildir eru um viðlíka atburði á þessu svæði. Á korti af Íslandi yfir líklega hröðun vegna jarðskjálfta, sem notað er við hönnun mannvirkja, kemur fram að á Dalvík megi búast við láréttri hröðun jafnri eða meiri en 40% af þyngdarhröðun jarðar á 500 ára bili.

Jarðskjálftasagan er stutt og breytileikinn mikill. Margir jarðskjálftar hafa orðið á vestanverðu Tjörnesbrotabeltinu síðastliðin 170 ár. Í grein Ragnars Stefánssonar og fleiri^[1] er sett fram sú tilgáta að mikil virkni á vestanverðu Norðurlandi sé líklega tímabundið fyrirbæri sem taki samtals 200-300 ár. Gliðnun Norðurgosbeltis skiptist nokkurn veginn í tvennt, hún greinist annars vegar í hreyfingum yfir rekbelti sem stefnir frá Öxarfirði til norðvesturs á Kolbeinseyjarhrygginn, norðan við Grímsey, og hins vegar í sniðgengisbelti meðfram norðurströnd landsins. Gliðnun er einnig líkleg norður af mynni Eyjafjarðar, þannig að spennuhleðsla er hægfara við og á norðurhluta Tröllaskaga. Engir stórir skjálftar á Dalvíkursvæðinu eru kunnir úr sögulegum heimildum fyrr en 1934. Líklega er ekkert hægt að fullyrða um næsta stórskjálfta á Dalvíkursvæðinu fyrr en einhver forvirkni greinist.

---

Þetta svar er úr bókinni Náttúruvá á Íslandi: Eldgos og jarðskjálftar (2013) og birt með góðfúslegu leyfi. Það er lítillega aðlagað Vísindavefnum. Kortið er úr sama riti....