Vísindavefurinn: Hvað eru margir guðir í norrænu og grísku goðafræðinni?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Ulrika Andersson hefur fjallað um gríska guði hér á Vísindavefnum í svari sínu Hver eru kennitákn grísku goðanna? Þar kemur fram að í grísku goðafræðinni koma um þrjátíu gyðjur og jafnmargir guðir við sögu. Lesendum er bent á að kynna sér svar Ulriku í heild þar sem er að finna frekari fróðleik um einstaka guði og gyðjur.

Í Gylfaginningu segir að mönnum sé skylt að trúa á tólf æsi, en það orð merkir guðir. Mun fleir goð og ásynjur eru þó nefnd í textanum.

Æðstur er Óðinn goð skáldskapar, konunga og stríðsmanna og kona hans er Frigg sem er hjúskapargyðja og veit örlög manna. Synir þeirra skötuhjúa eru þrumuguðinn Þór, Týr, Baldur, Höður og Váli.

Sjávarguðinn í norrænu goðafræðinni er Njörður en sonur hans er frjósemisguðinn Freyr og dóttirin ástargyðjan Freyja. Þá eru ónefnd Sif kona Þórs sem er gyðja kornakurs, Heimdallur sem gætir Bifrastar, brúarinnar á milli Ásgarðs og Miðgarðs, Iðunn sem gætir eplanna góðu og maður hennar Bragi sem kann mest af skáldskap.

Víðar er nefndur hinn þögli ás og hann er næstur Þór að afli. Ullur er sonur Sifjar og stjúpsonur Þórs og Forseti á salinn Glitni sem er dómstaður og þaðan fara allir sáttir. Loki er einnig talinn með ásum og kona hans heitir Sigyn.

Nokkrar ásynjur í viðbót er hægt að nefna:

Sága býr á Sökkvabekk
Eir er læknir
Gefjunni þjóna þær sem meyjar andast
Fulla gæti skóklæða Friggjar
Freyja er sú kölluð er grætur rauðum tárum
Sjöfn er ástargyðja
Lofn er mild og góð til áheita
Vár hlýðir á eiða manna og einkamál
Vör er vitur og spurul
Syn gætir dyra í höllum
Hlín gætir manna sem Frigg vill forða frá háska
Snotra er vitur
Gná sinnir ýmsum erindum fyrir Frigg

Heimild: Gylfaginning

Senda grein til vinar

Sendu inn spurningu

Hvað eru margir guðir í norrænu og grísku goðafræðinni?

Höfundar

Útgáfudagur

Síðast uppfært

Spyrjandi

Efnisorð

Tilvísun

Senda grein til vinar

Sendu inn spurningu

Hvað eru margir guðir í norrænu og grísku goðafræðinni?

Höfundar

Útgáfudagur

Síðast uppfært

Spyrjandi

Efnisorð

Tilvísun

Deila

Senda grein til vinar