Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Til þess að segja til um flatarmál Vestfjarða þarf fyrst að skilgreina hvað er átt við með Vestfjörðum. Er verið að tala um hinn eiginlega Vestfjarðakjálka eða stjórnsýslulega skilgreiningu á Vestfjörðum?
Á landakorti af Íslandi sést vel hversu lítið vantar upp á að Gilsfjörður, sem gengur inn úr botni Breiðafjarðar, og Bitrufjörður, sem gengur vestur úr Húnaflóa, aðskilji Vestfjarðakjálkann frá meginhluta Íslands og geri hann þar með að eyju. Landfræðilega gæti því verið eðlilegt að draga línu úr Gilsfjarðarbotni í botn Bitrufjarðar og skilgreina allt svæðið norðan þeirrar línu sem Vestfirði. Það svæði er um það bil 8.700 ferkílómetrar (km2), sem samsvarar tæpum 8,5% af flatarmáli Íslands.
Landsvæði eru líka oft skilgreind með stjórnsýslulegum mörkum, til dæmis er hægt að nota mörk sveitarfélaga, umdæmi sýslumanna eða þá kjördæmamörk. Ef kjördæmamörk eru notuð til að ákvarða flatarmál Vestfjarða verður útkoman aðeins önnur en ef landfræðileg skilgreining er notuð. Í dag nær Vestfjarðakjördæmi frá botni Gilsfjarðar og að botni Hrútafjarðar, sem eru um 9.400 ferkílómetrar (km2) eða um 9,1% af flatarmáli alls landsins.
Í framtíðinni verður þó ekki hægt að nota þessa skilgreiningu því að í næstu alþingiskosningum verður kosið eftir nýrri kjördæmaskipan þar sem Vestfirðir verða sameinaðir stórum hluta núverandi kjördæma Vesturlands og Norðurlands vestra.
Upplýsingar um stærð sveitarfélaga og stjórnsýsluumdæma sýslumanna á Íslandi má nálgast á vefsetri Landmælinga Íslands.
Sólin
Rís 10:17 • sest 16:10
Tunglið
Rís 21:40 • Sest 15:54
Flóð
Árdegis: 10:12 • Síðdegis: 22:46
Fjara
Árdegis: 03:46 • Síðdegis: 16:36
