Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Apar eru skógardýr. Til að greina í sundur ávexti frá laufskrúða í trjám er nauðsynlegt að hafa yfir að ráða sjónskynjun sem greinir liti. Nýlegar rannsóknir bandarískra vísindamanna hafa staðfest þetta samkvæmt grein frá síðasta ári í hinu virta vísindatímariti Nature. Prímatar eru einu spendýrin sem vitað er til að hafi þrjár tegundir ljósnema (keilna) í sjónhimnu, en keilur eru forsendur litaskyns. Prímatar hafa því svokallað þrílitaskyn og greina rauðan, grænan og bláan lit.
Nánar er hægt að segja að hver þessara þriggja gerða keilna innihaldi prótín sem kallast iodopsin eða ljóspurpuri. Hver gerð um sig getur aðeins gleypt hluta af litrófinu, það er tilteknar bylgjulengdir ljóss, og er næmust fyrir einni tiltekinni bylgjulengd. Hjá prímötum, að mönnum meðtöldum, liggur þessi hámarksnæmi í 419 nanómetrum (nm), 531 nm og 559 nm. Heilinn breytir síðan þessum boðum frá keilunum í litasjónskynjun.
Vísindamenn hallast að þeirri skoðun að þessi litaskynjun prímata hafi þróast vegna þess að litaskynjun sé og hafi verið lífsnauðsynleg öpum til að finna skærlitaða ávexti í þykku laufþykkni skóganna. Athuganir á litblindu fólki styðja þessa kenningu, þar sem þetta fólk á erfitt með að greina ávexti í grænum laufskrúða en fólki með fullt þrílitaskyn reynist þetta leikur einn.
Sólin
Rís 10:17 • sest 16:10
Tunglið
Rís 21:40 • Sest 15:54
Flóð
Árdegis: 10:12 • Síðdegis: 22:46
Fjara
Árdegis: 03:46 • Síðdegis: 16:36
Apar eru skógardýr. Til að greina í sundur ávexti frá laufskrúða í trjám er nauðsynlegt að hafa yfir að ráða sjónskynjun sem greinir liti. Nýlegar rannsóknir bandarískra vísindamanna hafa staðfest þetta samkvæmt grein frá síðasta ári í hinu virta vísindatímariti Nature. Prímatar eru einu spendýrin sem vitað er til að hafi þrjár tegundir ljósnema (keilna) í sjónhimnu, en keilur eru forsendur litaskyns. Prímatar hafa því svokallað þrílitaskyn og greina rauðan, grænan og bláan lit.
Nánar er hægt að segja að hver þessara þriggja gerða keilna innihaldi prótín sem kallast iodopsin eða ljóspurpuri. Hver gerð um sig getur aðeins gleypt hluta af litrófinu, það er tilteknar bylgjulengdir ljóss, og er næmust fyrir einni tiltekinni bylgjulengd. Hjá prímötum, að mönnum meðtöldum, liggur þessi hámarksnæmi í 419 nanómetrum (nm), 531 nm og 559 nm. Heilinn breytir síðan þessum boðum frá keilunum í litasjónskynjun.
Vísindamenn hallast að þeirri skoðun að þessi litaskynjun prímata hafi þróast vegna þess að litaskynjun sé og hafi verið lífsnauðsynleg öpum til að finna skærlitaða ávexti í þykku laufþykkni skóganna. Athuganir á litblindu fólki styðja þessa kenningu, þar sem þetta fólk á erfitt með að greina ávexti í grænum laufskrúða en fólki með fullt þrílitaskyn reynist þetta leikur einn.
