Fyrir hvað stendur geithafurinn í merki Grindavíkur?

Nafn þitt

Netfang þitt

Netfang móttakanda

Ruslpóstvörn =

Svar

Fyrir hvað stendur geithafurinn í merki Grindavíkur?
Stutta svarið við spurningunni er að geithafurinn í skjaldarmerki Grindavíkur er tákn um frjósemi, ríkidæmi og vernd yfirnáttúrlegra afla.

Geithafurinn er sóttur til lýsingar á landnámi Grindavíkur, eins og greint er frá því í Landnámabók. Þar kemur fram að Molda-Gnúpur og synir hans hafi byggt Grindavík. Í frásögn Landnámu segir að þeir feðgar hafi haft með sér fáar geitur til Grindavíkur.

Einn sonur Molda-Gnúps hét Björn og á hann að hafa dreymt draum þar sem bergbúi gerði við hann samkomulag. Eftir það hafi geithafur komið til geita Björns sem tímguðust þá svo ört að hann varð vellauðugur.

Björn fékk þá nafnið Hafur-Björn og segir í Landnámu að landvættir hafi fylgt honum til þings og sömu vættir hafi einnig sést með bræðrum hans, Þorsteini og Þórði, þegar þeir héldu til veiða og fiskjar.

Svona er lýsingin á tilurð skjaldarmerkisins á vefsíðu Grindavíkurbæjar:

Í greinargerð segir að hugmyndin að merkinu varð til hjá starfsfólki AUK við lestur kafla um Grindavík í bókinni Landið þitt, en þar segir m.a.:

„Í landnámabók segir að Molda-Gnúpur Hrólfsson og synir hans námu land í Grindavík. Þar segir svo: „Þeir voru fulltíða synir Molda-Gnúps, Björn og Gnúpur, Þorsteinn hrungnir og Þórður leggjaldi. Björn dreymdi um nótt, að bergbúi kæmi að honum og bauð að gera félag við hann, en hann þóttist játa því. Eftir það kom hafur til geita hans og tímgaðist þá svo skjótt fé hans, að hann varð skjótt vellauðugur, síðan var hann Hafur-Björn kallaður. Það sáu ófreskir menn, að landvættar allar fylgdu Hafur-Birni til þings, en þeim Þorsteini og Þórði til veiða og fiskjar."

Heimildir og mynd:

• Skjaldarmerki bæjarins. (Sótt 13.11.2024).
• Landnámabók (Sturlubók). (Sótt 13.11.2024).

...