Það segir sig sjálft að ef báðir foreldrar eru úr sömu fjölskyldu þar sem einhver arfgengur sjúkdómur eða kvilli kemur fyrir eru meiri líkur á að barn erfi hann en ef foreldrarnir eru óskyldir. Ef ekkert slíkt er hins vegar í fjölskyldunni eru líkurnar á erfðasjúkdómi eða kvilla ekkert aðrar en hjá börnum óskyldra einstaklinga.Snæbjörns Pálssonar kemur einnig inn á það sama í við spurningunni Er það siðlaust eða óheilbrigt að systkinabörn gifti sig og eignist börn? en þar segir:
Hættan við skyldleikaæxlun er sú að líkurnar aukast á að sjaldgæfar víkjandi stökkbreytingar séu sameiginlegar foreldrum og geti því orðið arfhreinar. Sem dæmi má taka víkjandi stökkbreytingu sem er í 0,1% tíðni innan stofns. Ef einstaklingar eignast afkvæmi óháð arfgerðum hver annars, má búast við að aðeins einn af milljón einstaklingum í næstu kynslóð sé arfhreinn fyrir breytingunni og líði fyrir skaðleg áhrif hennar, og að 0,2% séu arfblendnir. Ef einstaklingur er arfblendinn fyrir stökkbreytingu eru líkurnar 0,05% á að barn hans verði arfhreint ef hitt foreldrið er slembivalið úr stofninum, en ef hann hinsvegar eignast barn með systkini sínu eru líkurnar miklu meiri eða 12,5%. Ef hann eignast barn með systkinabarni eru líkurnar hinsvegar 3,125% á því að barnið verði arfhreint.Niðurstaðan er sem sagt sú að það er langt frá því að skyldleiki foreldar sé ávísun á fötluð börn eða að alla fötlun megi rekja til þess að foreldrar séu náskyldir. Ef hins vegar er um einhverja stökkbreytingu er að ræða í fjölskyldunni sem getur valdið fötlun þá er líklegra að barn verði fatlað ef foreldrar þess eru mikið skyldir. Frekari fróðleikur á Vísindavefnum:
- Hver er munurinn á erfðagalla og erfðasjúkdómi? eftir Guðmund Eggertsson.
- Af hverju verða stökkbreytingar? eftir Guðmund Eggertsson.
- Hvað er ríkjandi gen og víkjandi gen? eftir Guðmund Eggertsson.
- Er það siðlaust eða óheilbrigt að systkinabörn gifti sig og eignist börn? eftir Má Jónsson.
- Hvers vegna verður maður fatlaður? eftir EDS.
Ef systkini eignast börn verða þá börnin fötluð? Eru allir sem eru fatlaðir í heiminum, fatlaðir af því að mamma þeirra og pabbi eru skyld?