Í hvaða trúfélögum eru Íslendingar?

Svar

Samkvæmt tölum Hagstofunnar voru Íslendingar 312.872 þann 1. desember árið 2007 og 32 trúfélög voru löglega skráð hér á landi.

Í töflunni hér að neðan eru þessi trúfélög talin upp og tiltekinn sá fjöldi sem skráður er í hvert trúfélag sem og hlutfall þess af heildarfjölda Íslendinga. Upplýsingarnar eru fengnar af vef Hagstofu Íslands og miðast við mannfjöldatölur 1. desember 2007.

Trúfélög	Fjöldi	Hlutfall af heild
Þjóðkirkjan	252.461	80,69%
Utan trúfélaga	8.714	2,79%
Kaþólska kirkjan	7.977	2,55%
Fríkirkjan í Reykjavík	7.498	2,40%
Fríkirkjan í Hafnarfirði	5.024	1,61%
Óháði söfnuðurinn	2.768	0,88%
Hvítasunnukirkjan á Íslandi	1.963	0,63%
Ásatrúarfélag	1.149	0,37%
Búddistafélag Íslands	758	0,24%
Kirkja sjöunda dags aðventista á Íslandi	757	0,24%
Fríkirkjan Vegurinn	734	0,23%
Vottar Jehóva	682	0,22%
Krossinn	669	0,21%
Baháísamfélag	399	0,13%
Félag Múslima á Íslandi	371	0,12%
Íslenska Kristkirkjan	249	0,08%
Söfnuður Moskvupatríarksins í Reykjavík	200	0,06%
Kirkja Jesú Krists hinna síðari daga heilögu	178	0,06%
Fæðing Heilagrar Guðsmóður (serbneska rétttrúnaðarkirkjan)	167	0,05%
Kefas - kristið samfélag	158	0,05%
Betanía	155	0,05%
Boðunarkirkjan	94	0,03%
Zen á Íslandi- Nátthagi	68	0,02%
Sjónarhæðarsöfnuður	59	0,02%
Samfélag trúaðra	33	0,01%
Baptistakirkjan	28	0,01%
Reykjavíkurgoðorð	20	0,01%
Heimakirkja	11	0,004%
Heimsfriðarsamtök fjölskyldna	4	0,001%
Orð lífsins	0	0
Kletturinn	0	0
Óskráð trúfélög og ótilgreint*	19.524	6,24%
Samtals	312.872	100%

*Þeir sem teljast til trúfélags sem hefur ekki verið viðurkennt, til trúarbragða án trúfélags hér á landi eða þeir sem upplýsingar vantar um eru taldir saman undir þessum lið.

Í töflunni sést vel hvernig dreifingin er milli trúarsafnaða á Íslandi. Meginþorri landsmanna er skráður í þjóðkirkjuna en hún telst vera kristin kirkja, nánar tiltekið evangelísk lúthersk. Fjölmargir aðrir kristnir söfnuðir eru þó skráðir hér á landi og því er erfitt að segja nákvæmlega til um það hversu margir teljast vera kristnir á landinu. Jafnframt vantar upplýsingar um töluverðan hluta landsmanna, eða 6,24%, sem gæti enn frekar haft áhrif á þessar tölur. Þetta gæti að sama skapi haft áhrif á raunverulegan fjölda annarra trúarhópa.

Það sem er jafnframt áberandi við þessa upptalningu er að mikill fjöldi Íslendinga aðhyllist enga trú, en 2,79% landsmanna skráir að þeir standi utan allra trúfélaga.

Þótt þetta yfirlit sýni hvernig landsmenn skiptast í mismunandi trúfélög er annað mál hvort þetta gefi einhverja mynd af trúariðkun Íslendinga. Trúariðkun fólks er sennilega eins misjöfn og við erum mörg og því er erfitt að meta það hvenær trúin telst í heiðri höfð.

Frekara lesefni á Vísindavefnum:

• Í hvað fer kirkjuskatturinn sem maður er látinn borga, til dæmis ef maður segir sig úr þjóðkirkjunni?
• Hvor er fjölmennari, hvítasunnukirkjan eða lútersku kirkjurnar?
• Við erum nokkur sem langar til að vita hvernig eigi að stofna sértrúarsöfnuð?
• Eru Gyðingar á Íslandi?
• Gæti Íslendingur tekið trú sem leyfir fjölkvæni og stundað það?
• Hvað eru til mörg trúarbrögð í heiminum?

---

Upphaflega hljóðaði spurningin svona:

Hve mörg prósent af Íslendingum halda uppá Ásatrú, Kristna trú, Búddatrú, Gyðinga, Múslima og Baháí?