Hvað er Ameríka stór að flatarmáli?

Svar

Norður-Ameríka er um 24.709.000 ferkílómetrar (km²) að flatarmáli en Suður-Ameríka er hins vegar um 17.840.000 km². Ef við leggjum þessar stærðir saman fáum við út að Ameríka er samtals um 42.549.000 km² að flatarmáli.

Ameríka er næststærsta samfellda meginlandið.

Ameríka þekur um það bil 8,3% af yfirborði jarðar en um 28,6% af þeim hluta yfirborðsins sem er land. Ameríka er næststærsta samfellda meginland heims en það stærsta er Evrasía, það eru Asía, Evrópa og Afríka. Flatarmál Evrasíu er um 84.441.000 km², sem gerir Evrasíu næstum því tvöfalt stærri en Ameríku. Ameríka er hins vegar næstum eins stór og stærsta heimsálfa jarðarinnar, Asía, sem er um 43.608.000 km².

Það eru 35 sjálfstæð ríki í Ameríku auk 16 landa sem lúta stjórn annarra ríkja. Fimm stærstu löndin í Ameríku (raðað eftir stærð) eru Kanada, Bandaríkin, Brasilía, Argentína og Mexíkó.

Heimildir

• Wikipedia - North America.
• Wikipedia - South America.
• Hvað eru mörg ríki í Norður- og Suður-Ameríku? eftir Emilíu Dagnýju Sveinbjörnsdóttur.
• Hver er röð heimsálfanna, frá þeirri stærstu til þeirrar minnstu? eftir Ingunni Tryggvadóttur og Önnu Lind Vignisdóttur.
• Wikipedia - Earth.

Mynd:

• Wikipedia. Sôtt 18. 6. 2012.

---

Þetta svar er eftir nemendur í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2012.