Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Þjónusta í boði

Vísindavefurinn hefur áralanga reynslu á sviði vísindamiðlunar og allir starfsmenn vefsins eru háskólamenntaðir á sviði vísinda og fræða. Vísindavefurinn tekur að sér stærri sem smærri verkefni á sviði vísindamiðlunar gegn greiðslu. Hér má finna lýsingar á nokkrum verkefnum sem Vísindavefurinn hefur fengist við hingað til. Önnur verkefni koma að sjálfsögðu einnig til greina og fagnar Vísindavefurinn öllum frambærilegum hugmyndum um verkefni og samstarf.

Þeir sem hafa áhuga á samstarfi við Vísindavefinn eru beðnir um að hafa samband í tölvupósti við Jón Gunnar Þorsteinsson ritstjóra: jongth@hi.is eða í gegnum síma við starfsmenn ritstjórnar: 525-4765.

Unga fólkið svarar

Hópur 10-15 barna eða unglinga á aldrinum 12-16 ára heimsækir Vísindavefinn og svarar spurningum frá lesendum vefsins undir stjórn starfsmanna hans. Nokkur tölvu- og enskukunnátta er æskileg. Sérstök áhersla er lögð á að kenna fagleg vinnubrögð við heimildaleit, framsetningu efnis og að kenna grundvallaratriði við uppsetningu á netinu. Þegar svörin eru fullfrágengin birtast þau í sérstökum flokki á Vísindavefnum sem kallast unga fólkið svarar

Verð fyrir hvern hóp er 50.000 kr. Innifalinn er undirbúningur, viðvera í netsambandi í eina kennslustund, leiðbeiningar um svör sem til eru við spurningum, samning svara í kennslustundinni og í beinu framhaldi af henni.

Bekkirnir spyrja

Grunnskólabekkur sendir Vísindavefnum spurningar um vísindi og fræði frá tölvuveri grunnskólans. Starfsmenn Vísindavefsins sitja fyrir svörum og reyna að svara sem flestum spurningum á sem stystum tíma. Svör við spurningunum birtast því fljótt á vefnum. Mælt er með að nemendur undirbúi spurningar fyrirfram í samráði við kennara. Meðan beðið er eftir svörum er í boði að nýta sér svokallað vefrall Vísindavefsins. Vefrallið er til þess ætlað að nemendur læri að nota gagnasafn Vísindavefsins til heimildaöflunar og fróðleiks, en þar má finna svör við nærfellt 7000 spurningum.

Verð fyrir hvern bekk er 30.000 kr.

Vísindanámskeið

Vísindavefurinn hefur undanfarin ár tekið að sér umsjón margs konar námskeiða um vísindi og fræði. Má þar nefna námskeið um risaeðlur, himingeiminn, örtækni, mannslíkamann og eðlisfræði íþróttanna. Vísindavefurinn hefur áhuga á að taka að sér verkefnastjórnun og undirbúning fleiri slíkra námskeiða, en þar getur þekking og reynsla starfsmanna af vísindamiðlun, áhugasviði almennings og tengsl við fræðimenn nýst mjög vel.

Verð er samkvæmt samkomulagi.

Efni í fjölmiðlum

Vísindavefurinn getur boðið dagblöðum, tímaritum, vefmiðlum og öðrum fjölmiðlum birtingu efnis um vísindi og fræði.

Verð er samkvæmt samkomulagi.

Vefsíður fyrirtækja

Fyrirtæki eiga þess kost að lífga upp á vefsíður sínar með því að fá að birta þar spurningar frá Vísindavefnum með RSS-flæði. Með þessari tækni uppfærast spurningarnar sjálfkrafa. Dæmi um þetta má sjá á forsíðu Háskóla Íslands, www.hi.is.

Verð er samkvæmt samkomulagi.


Sendu inn spurningu
eða

Vísindadagatalið

Ludwig Boltzmann

1844-1906

Austurrískur eðlisfræðingur, átti mikinn þátt í að móta undirstöður varmafræði og safneðlisfræði og vinna atómhugmyndinni fylgi.