Vísindavefurinn: Lausn: Hvernig má ákvarða meðallaun hóps án þess að neinn segi frá launum sínum?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Lausn: Fyrsti byrjar á því að bæta ótilgreindri upphæð við sín laun, segjum 150.000 kr., og bætir henni við sín eigin laun, segjum að þau séu 300.000 kr., og hvíslar að næsta manni samtölu þessara talna, það er 450.000 kr. Sá sem er númer 2 í röðinni bætir nú sínum launum við og hvíslar að þeim þriðja og svo framvegis. Alveg þangað til að síðasti í röðinni hefur bætt sínum launum við, þá hvíslar viðkomandi upphæðinni að þeim sem var fyrstur í röðinni. Sá dregur upphæðina sem hann bætti við, 150.000 kr., frá og deilir með fjöldanum og fær þannig út meðallaun hópsins án þess að neinn segi frá sínum eigin launum!

Þó er alltaf sá möguleiki fyrir hendi að einhverjir tveir taki sig saman og komist að launum þess sem situr á milli þeirra. Til dæmis ef röðin kemur fyrst að Jóni, síðan Sigga og loks Halla, þá gæti Halli sagt Jóni hvaða upphæð Siggi sagði honum. Jón veit hvaða upphæð hann hvíslaði að Sigga og þá veit hann hvað Siggi er með í laun. En ef maður gerir ráð fyrir því að allir séu heiðarlegir, þá þarf ekki að hafa áhyggjur af þessu!

Einnig mætti hugsa sér að allir skrifuðu niður laun sín á miða, nafnlaust, og settu í pott, og þannig mætti svo reikna út meðallaunin. En þá þyrfti vissulega að hafa í huga að einhverjir gætu þekkt skrift einhvers annars í hópnum.

Hér má sjá nöfn þeirra sem sendu inn rétta lausn, í stafrófsröð:

Alexander Gunnar Kristjánsson
Herbert Vilhjálmsson
Jónas Unnarsson
Stefán Hrafn Jónsson
Valþór Druzin