Hvað er ónæmisminni?

Nafn þitt

Netfang þitt

Netfang móttakanda

Ruslpóstvörn =

Svar

Hvað er ónæmisminni?
Hugtakið ónæmisminni er notað um þann hæfileika ónæmiskerfisins að geyma upplýsingar um fyrri ónæmisviðbrögð. Enska heitið er anamnesis en það kemur úr grísku og vísar til þess sem menn muna eða rifja upp.^[1]

Ónæmisminni er forsenda bólusetninga. Bóluefni geta verið unnin úr dauðum, óvirkum eða veikluðum sýklum eða einangruðu efni úr sýklunum. Í bóluefninu eru svonefndir mótefnavakar sem vekja ónæmissvar í líkamanum. Hluti af ónæmissvarinu felst í því að langlífar B- og T-minnisfrumur myndast en þær geta verndað okkur árum og jafnvel áratugum saman. Þessar minnisfrumur þekkja sýkilinn aftur ef við komust í tæri við hann og koma því til leiðar að ónæmiskerfið ræður niðurlögum hans áður en alvarleg sjúkdómseinkenni koma fram.

Hægt er að lesa meira um ónæmiskerfið og ónæmisminni á Vísindavefnum, til að mynda í svörum við spurningunum:

• Hvernig vinnur ónæmiskerfið? Er hægt að verða ónæmur fyrir kvefi?
• Hvernig eru bóluefni þróuð og þá sérstaklega bóluefni við COVID-19?
• Hvað mælir með því og móti að bólusetja börn?
• Hvaða bóluefni hafa verið þróuð gegn COVID-19 og hvað er vitað um þau?

Mynd:

• File:Immune Response.svg - Wikimedia Commons. (Sótt 1.7.2024) Myndin er gerð af Sstern19 og íslenskur texti er settur inn á hana af ritstjórn Vísindavefsins. Myndin er birt undir leyfinu CC BY-SA 4.0 Deed.

Tilvísun:

1. ^ Í heimspeki Platóns er hugtakið anamnesis notað í kenningu Sókratesar um endurminningu sem er ein af rökum hans fyrir ódauðleika sálarinnar. Um hana er fjallað í Síðustu dögum Sókratesar.

...