Var það einhver Hans sem hannaði hansahillurnar?

Svar

Hansahillur virðast upprunnar hjá fyrirtækinu Hansa Regalsysteme í Þýskalandi.

Hansahillurnar virðast upprunnar í Þýskalandi. Fyrirtækið Hansa Regalsysteme var stofnað í bænum Halle við ána Saale í þáverandi Austur-Þýskalandi árið 1925. Stofnandinn hét Valdemar Hansen og var verkfræðingur.

Fyrirtækið hefur starfað síðan og sérhæft sig í alls kyns hillusamstæðum. Hugsanlegt er að nafnið á fyrirtækinu sé dregið af ættarnafninu Hansen.

Mynd:

• UTILE et DULCI. Sótt 16.1.2012.

Upprunalega spurningin hljóðaði svona:

Hvaðan kemur nafnið hansahillur, var það einhver Hans sem hannaði þær?