Gæti hugsanlega verið til annar alheimur?

Svar

Það gæti vel verið að til sé annar alheimur en við höfum engan möguleika á því að komast að því hvort svo sé eða ekki! Hugtakið annar alheimur felur nefnilega í sér að handan þess alheims sem við búum í sé annar alheimur sem er algjörlega aðgreindur frá okkar eigin alheimi. Ef hann væri ekki aðgreindur frá okkar eigin alheimi þá væri hann auðvitað bara hluti af okkar heimi og þess vegna ekki annar alheimur!

Samhliða alheimar.
Við getum hins vegar alveg hugsað um fyrirbærið annan alheim og reynt að gera okkur í hugarlund hvers konar alheimur það væri. Vísindamenn sem fást við skammtafræði gera sér til að mynda líkön þar sem gert er ráð fyrir mörgum samhliða alheimum.

Heimildir og frekara lesefni:

• Er til annar heimur? eftir Þorstein Vilhjálmsson
• Er alheimurinn endalaus? Ef ekki, hvar eru þá mörkin og hvað er hinum megin? eftir Eyju Margréti Brynjarsdóttur

Mynd:

• ianlowell.com. Sótt 11.4.2011

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.