Hvað er jörðin þykk?

Svar

Snúningur jarðar veldur því að hún er ekki nákvæmlega kúlulaga heldur er fjarlægðin frá miðju og út að miðbaug meiri en fjarlægðin frá miðju og út að pólunum. Þetta veldur því að þvermál jarðar við miðbaug er 12.756 km en þvermál milli pólanna er 12.713 km. Meðalþvermál er hins vegar 12.740 km.

Hugsum okkur að hægt væri að bora beina leið ofan í jörðina gegnum miðju hennar og koma út nákvæmlega hinum megin á hnettinum. Þessar tölur þýða þá til dæmis að vegalengdin væri nærri því tíu sinnum lengri en hringvegurinn um Ísland (1336 km).

Frekara lesefni á Vísindavefnum:

• Hvað veldur því að jörðin er kringlótt? eftir JGÞ
• Hvað er jörðin þung? eftir ÖJ
• Hvort snýst jörðin 15,00 eða 15,04 gráður á klukkustund? eftir Þorstein Vilhjálmsson
• Úr hverju er möttull jarðar? eftir Sigurð Steinþórsson

Mynd:

• Wikipedia.com - Earth. Sótt 7.2.2011.