Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Eru örnefni sunnar í álfunni sem gefa til kynna að norrænir menn hafi sest þar að, sambærilegt við nöfn hér eins og Vestmannaeyjar?

Jú, víkingar settust að í Normandie í Frakklandi, einkum á 10. öld, og örnefni þar bera þess merki. Þeir sem settust þar að komu víða að; Danir, Norðmenn, víkingar frá eyjunum í Atlantshafi, fólk af keltneskum uppruna af Bretlandseyjum og menn ensk-skandinavískrar ættar. Náið samband hefur því verið milli norrænna byggða á Bretlandseyjum og í Normandie en þó eru dönsk áhrif þar sterkust.


Þorp í Normandie.

Örnefni á þessum slóðum sem bera norræn einkenni eru til dæmis með orðunum bekkr (= lækur), Houlbec, Carbec, holmr (hólmur), Torhulmus, Le Homme, lundr (lundur), Bouquelon (ef til vill = beykilundur) og Yquelon (ef til vill = eikilundur). Þessir nafnliðir allir eru líka mjög algengir í nöfnum landnáma í Norðvestur-Englandi. Líklegt er að dalur sem er algengt í örnefnum í Normandie sem síðari liður, -dale, eða ósamsett La Dale, sé frá Skandínövum kominn. Sama er um orðið þveit (= rjóður), sem er í samsetningum -tuit, eða ósamsett Le Thuit.

Samband milli eyjanna norðan og vestan Skotlands og Normandie kemur fram í örnefnunum Summelleville (af Sumarliði) og Brectouville (af Bretakollr) í Normandie, þar sem mannanöfnin Sumarliði og Bretakollr voru sérstök fyrir skosku eyjarnar.

Frekara lesefni á Vísindavefnum:

Mynd:

Útgáfudagur

20.2.2001

Spyrjandi

Þórhallur Ágústsson

Höfundur

Svavar Sigmundsson

Svavar Sigmundsson

fyrrv. forstöðumaður Örnefnastofnunar

Tilvísun

Svavar Sigmundsson. „Eru örnefni sunnar í álfunni sem gefa til kynna að norrænir menn hafi sest þar að, sambærilegt við nöfn hér eins og Vestmannaeyjar?“. Vísindavefurinn 20.2.2001. http://visindavefur.is/?id=1342. (Skoðað 20.12.2014).

Sendu inn spurningu
eða

Vísindadagatalið

André-Marie Ampère

1775-1836

Franskur eðlisfræðingur, einn af frumkvöðlum rafsegulfræðinnar. Lögmálið um kraft milli aðgreindra rafstrauma er kennt við hann og eining metrakerfisins um rafstraum ber nafn hans.