Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað eru dróttkvæði?

Dróttkvæði er fornnorrænn skáldskapur sem flokkast ekki sem eddukvæði. Saman mynda dróttkvæði og eddukvæði tvær höfuðgreinar fornorræns skáldskapar. Kveðskapur af ýmsu tagi hefur verið spyrtur saman undir hugtakinu dróttkvæði og í fyrsta bindi Íslenskrar bókmenntasögu er að finna ágæta flokkun Vésteins Ólasonar á efni dróttkvæða:
  • hirðkvæði, sem eru lofkvæði um höfðingja, orðið drótt merkir hirð
  • goðfræðilegt kvæði, nátengd hirðkvæðunum enda líklega ort handa höfðingjum
  • einkamál, kvæði og lausavísur sem tekin hafa verið upp í sögur
  • kristinn trúarkveðskapur, var í fyrstu kveðinn undir dróttkvæðum háttum en þróaðist svo í aðrar áttir.
Heitið dróttkvæði er leitt af bragarhættinum sem langflest kvæðin eru ort undir en hann nefnist dróttkvæður háttur eða dróttkvætt. Ólíkt eddukvæðum eru dróttkvæðin yfirleitt eignuð nafngreindum skáldum. Egill Skallagrímsson er fyrsti Íslendingurinn sem orti lofkvæði um höfðingja, það er Höfuðlausn. Á erlendum málum nefnast dróttkvæði einfaldlega kvæði skáldanna, til dæmis "scaldic poem" og "skjaldedigt".

Frekara lesefni á Vísindavefnum:

Heimildir og frekara lesefni:
  • Jakob Benediktsson (ritstj.), Hugtök og heiti í bókmenntafræði, Mál og menning, Reykjavík 1989.
  • Vésteinn Ólason, "Dróttkvæði", í Íslensk bókmenntasaga I, Mál og menning, Reykjavík 1992, bls. 191-262.

Útgáfudagur

25.5.2009

Spyrjandi

Lilja Rut Traustadóttir

Höfundur

Jón Gunnar Þorsteinsson

JGÞ

Tilvísun

JGÞ. „Hvað eru dróttkvæði?“. Vísindavefurinn 25.5.2009. http://visindavefur.is/?id=12823. (Skoðað 23.8.2014).

Sendu inn spurningu
eða

Vísindadagatalið

Kurt Gödel

1906-1978

Tékknesk-bandarískur stærðfræðingur, einn mesti rökfræðingur sögunnar, þekktastur fyrir niðurstöður um tæmanleika í rökfræðikerfum.