Eftir mikil heilabrot og jaml, japl og fuður laust lausninni skyndilega niður á þá. Til þess að mæla nákvæmlega 4 lítra af mjólk með 3 lítra, 5 lítra og 8 lítra brúsa að vopni urðu þeir að gera eftirfarandi:

Fylla fyrst 5 lítra brúsann af mjólk
Hella síðan úr 5 lítra brúsanum yfir í 3 lítra brúsann, en þá sitja 2 lítrar eftir í 5 lítra brúsanum
Tæma því næst úr 3 lítra brúsanum yfir í stóra brúsann
Hella svo lítrunum tveimur úr 5 lítra brúsanum og yfir í 3 lítra brúsann
Fylla 5 lítra brúsann aftur
Hella svo úr 5 lítra brúsanum yfir í 3 lítra brúsann þar til hann er orðinn fullur
Þá ættu fjórir lítrar að vera eftir í 5 lítra brúsanum þar sem aðeins var pláss fyrir einn líter til viðbótar í 3 lítra brúsann

Eftir að hafa hellt mjólkinni á milli í flýti gat aðkomumaðurinn loksins drifið sig aftur í bústaðinn til að bjarga afmælinu og deginum. Jón gamli hélt hins vegar heim með afganginn af mjólkinni sinni fussandi yfir æðibunuganginum í borgarbúum.

Vísindavefnum bárust fjölmörg svör við gátunni og var gaman að sjá hvað fólk lagði mikla hugsun í svörin. Hægt var að ná fram réttri lausn með nokkrum mismunandi aðferðum og þessir sendu inn réttar lausnir:

Andri Thor Birgisson, Ásgeir Pétur Bjarnason, Bergþór Jónsson, Guðrún Áslaug Jósepsdóttir, Halldór Reynir Bergvinsson, Hólmar Hreggviðsson, Hólmfríður Þórisdóttir, Ísak, Kristbjörg Pálsdóttir, Rafn Ben, Ríkharður Einarsson, Stefán Arngrímsson, Sæmundur Bjarnason, Svava Guðmundsdóttir og Torfi Karl Ólafsson